Wekîla Partîya Çep a Keske ya Îzmîrî Burcugule Çubuk vat ê do prosesê verê xo de heme kêmayîyanê xo werte ra wedarê û rêxistinbîyayîşê xo xurtêr bikerê.

Çubuka ke ANFYî rê qisey kerd nê vatî: “Ma berpirsîyarîya xo ya netîceya weçînitişî genê xo ser la gerek ‘Planê Çokdayîşî’ mero vîrakerdene. Ma cade pîya bi şarê xo dest pê munaqeşeyan kerd. Heme dezgehê ma zelal ê. Ma problemanê xo hewaleyê faşîzmî nêkenê. Prosesê verê xo de ma do goreyê pratîkê Rayîrê Hîrêyinî  xo newe ra bîyarê pêser. Ma do qodanê ronayîşê HDPyî esas bîgêrê. Kombîyayîşanê şarî de ma do goştarîyê şarî bikerê. Şar qey şikîyayo ma do nê probleman çareser bikerê. Xora şar wexto ke rexne keno metodanê çareserî zî vano.  Partîya ma partîya weçînitişî nê, partîya têkoşînî ya. Têna hêrişê dewlete nê, eynî wextî de buroratîkbîyayîşê mîyanê ma û sistbîyayîşê tekîlîya mabênê şar û merkezî zî est o.  Waştişê ma oyo ke ma şarê xo reyde bibê yew û rêxistinbîyayîş û têkoşînê xo xurtêr bikerê.”