Koyê Bagokî yê qezaya Nisêbînî ya Mêrdînî de operasyonê artêşa tirke ya îşxalkere dewam keno. Herême hetê leşkeran ra ameye qedexekerdene. Koyê Bagokî yê Mêrdînî de şiwaneyêk seba ke kewto herême hetê leşkeran ra ame derbkerdene

Herêmanê Dikmin, Çalê û Kevira Mahloyî de têgêrayîşê leşkeran dewam kenê. Herêma goranê gerîlayan de leşkerî ameyî cakerdene. Leşkeran fotokapanî herême de cakerdî û tayê şikefteyan de cigêrayîşî kerdî.

Hetê bînî ra qezaya Hezexî ya Şirnexî û qezaya Mîdyadî ya Mêrdînî de hêrişê leşkeran dewam kenê. Leşkeran malzemeyê koçeran wedaritî, koçerî tehdît kerdî ke herême biteriknê. Nê helî hetê kamerayan ra ameyî qeydkerdene.