Adana û Mersin de çarçewa cipêrsayîşê vera TUHAD-FEDî  leşkeran bi hewayêkê hewwextî saetanê serê sibayî de eşt xeylêk keyeyan ser. Sereştişan de  11 kesî ameyî destbendkerdene.

Çarçewa cipêrsayîşo ke Serdozgerîya Komare ya Antalya derheqê Komeleya Paştdayîş û Hetkarî yê Keyayanê Tepişteyan (TUHAD-FED) de rayra bena de qezaya Akdenizî ya Mersinî de 9 kesî ameyî destbendkerdene.

Nameyê kesanê ke ameyî destbendkerdene wina yê.

Îdarekarê verênî yê TUHAD-FEDî yê Çukurova Celal Yel, Hasan Vadi, Ali Bilen, Kadri Ezen, Nermine Aktug, Diyar Turgut, Eyleme Turgut, Serhat Turgut  ûYener Aydin.

Çarçewa eynî cipêrsayîşî de Antalya de zî Endamê Meclîsê Partîye yê HDPyî Songule Şarkli û Selma Yavuz ameyî destbendkerdene.