Peyama Êlegçeqeran Meclîsê Meclîsanê Commercyî ra ameye. No meclîs, peynîya menga Çele de awan bibi. Êlegçeqerî ê wextî ra nat her roje meslîsê şarî kom kenê. Meclîs 75 grubanê her cayanê Fransa ra yeno pê. Heme grubî cehd kenê ke xo sey meclîsan rêxistin bikerê.

Êlegçeqerê ke bi nameyê Meclîsê Meclîsanê Commercyî eşkerayêk daye, Şoreşê Rojawanî silam kerd.

Peyame de ame vatene, “Êlegçeqerî Commercyî de yê silam danê Rojawanî.”

MA CEHD KENÊ SEY ROJAWANÎ BIKÊ

Êlegçeqeran bale ante serê peyamêka paştîdayîşî ya ke menga Kanûne de Rojwanî ra seba Meclîsê Meclîsan ameya û vat, “Ma zî Rojawanî û şarê Rojawanî yo ke cehd keno bi rengê meclîsanê cîyayan seba demokrasîyêka têduşte têkoşîn keno, silam kenê. Ma zî cehd kenê ke eynî çîyî tîya de bikê. Şima seba şaranê cîhanî modelêk ê.”

Êlegçeqeran seba hêrişanê îşxalkaran ê dewleta Tirkî zî vat, “Ma nê tehdîdî şermezar kenê û no bi tu şekilî nêno qebulkerdene (...) Biciwîyo têkoşînê şaran ê seba têduştî. Ma dostanê xo yê Rojawanî rê serkewtişî wazenê.”