Partîya Çep a Keske Êlih de mîtîg kerd. Hemsereko Pêroyî yê HDPyî Mîthat Sancar, Hemserekê DBPyî Keskîn Bayindir, temsîlkarê Îtîfaqê Azadîye û Demokrasî yê Kurdan Serekê Partîya Azadîye Ayetullah Aşitî, namzedê Partîya Çep a Keske yê Êlihî zî beşdarê mîtîngî bîyî. 

Ciwanan bi sloganan warê mîtîngî de rayraşîyayîş kerd û sloganê ''Bijî Serok Apo'' berz kerd.  

Hêverî namzedê Partîya Çep a Keske yê Êlihî vejîyayî sehne ser û înan şar selam kerd. 

Dima Hemserekê DBPyî Keskîn Bayindirî qisey kerd û mesajê girîngî dayî. Bayindirî îfade kerd ê do Êlih de 5 de 5 bikerê û peynîya Îtîfaqê Torosê Sipîyî bîyarê. Keskîn Bayindirî vat: ''Ma heta 14ê gulane nêvinderê, serkewtiş do ê ma bibo. Mesajê ma no yo; Peynî do muhteşem biba.''

Hemserekê verênî yê HDPyî Selahattîn Demîrtaşî zî bi qeydê vengî mesajê xo Zîndanê Edîrne ra şawit. Demîrtaşî qeyd de vengî venga pêro kesan da ke wa raya xo bidê Partîya Çep a Keske.

Dima Hemserekê Pêroyî yê HDPyî Mîthat Sancarî qisey kerd. Sancarî vat: ''Ma do nê îtîfaqê tarî û talanî ra 14ê gulane bixelisê. Ma hêzê xo şarê xo ra gênê. Wexto ke şima şinê sndoqan ser rayêke bide Kiliçdarogluyî. Raya bîne zî bidê Partîya Çep a Keske. Morê xo bidê binê dare ro. Ma vanê ke reyna ma reyna. Serkewtiş do ê şarê ma bibo.''

Peynîya mîtîngî de hunermend Talat Yeşîl vejîya sehne ser û şarî govend girewte.