Çalakîyê ke vera xespkerdişê Şaredarîya Êlihî ameyî destpêkerdene roja 8ine de dewam kerd. Şaro ke Parka Yilmaz Guneyî de ame têhet heta Hîrgoşê Çapemenîye rayra şi.Hemserekê KCDyî Berdan Ozturk, Hemserekê Pêroyî yê DBPyî Keskin Bayindir, wekîlê DEM partî û aktîvîstê TJA vîjnayoxê ke Sêrtî ra ameyî tewrê rayraşîyayîşî bîyî.

Rayraşîyayîş de sloganê sey "Bijî serok Apo", " Be serok jiyan nabe", "Kürdistan goristan ji bo faşistan", " Bijî berxwedana gele Kurd","Bijî serok Apo" û "Ma do bi xoverdayîşî ser bikewê" ameyî vatene. . Derûdorî ra şarî bi çapikan paştî daye. Rayraşîyayîş de marşê sey Herne Pêş, Çîyayê Bagokê, Serhildan Jiyanê zî ameyî vatene.

Yürüyüşte ayrıca “Herne pêş” ve “Berxwedan xweş doz e” şarkıları seslendirildi.

Hemşaredara Êlihî Yeşîle Işik vat: ''Înanê ke îradeyê şarî xesp kerd do vera xoverdayîşê şarî peyser game bierzê.Şarê Êlihî çirey vera polîtîkayanê leyminan milê xo çewt nêkerd do çewt mekero. Ma tîya ra xoverdayoxan rê hezar selaman şawenê.''

Wekîlê DEM Partî yê Riha Omer Ocalan zî vat: ''Semedê qedînayîşê nê şerî û krîzî wa zemînêkê huqûqî û sîyasîyî bêro pêardene. Kurdan destê xo derg kerd. Semedê çareserî, wayûbiratîye û haştîya bianorê destê xo derg kerdî.La tay nêwezanê nê destî tepişî. Qeyûm talan o. Îqtîdar vera haştîya bianore polîtîya hêrişî fîneno dewre. Nê polîtîkayanê leyminan ra netîce nêame girewtene. Birêz Ocalanî şarî rê selamê xo yê germinî şawitî. Vat i şî ça selamanê mi vaje.  Birêz Ocalan 26 serrî yo Îmrali de maneno. Semedê çareserîye û haştîya bianore xover dano, xebityeno. Birêz Ocalanî vat eke şertî bibî o hazir o. Cewabê nê ganî qeyûm nêbo. Ganî serekkomar destê hatşîyte tepişo. Na herre gonî ra bîya mirde. Na herre zaf bedelî dayî, hinî bes o.''