Êlih û Mêrdîn de 6 kesî ameyî destbendkerdene

Polîsanê tirkan qezayanê Êlih û Mêrdînî de eşt xeylêk keyeyan ser û 6 kesî destbend kerdî. Mîyanê nê kesan de hemserekê HDPyî zî estê.

Polîsanê tirkan qezaya Hezoyî ya Êlihî de û qezayanê Dêrik, Stewr û Mîdyatî yê Mêrdînî de eşt xeylêk keyeyan ser.

Hezo de hemserekê HDPyî Berjîne Altan û Omer Emen ameyî destbendkerdene. Dêrik de Hemsereka HDPyî ya qeza Selam Ozan ameye destbendkerdene, berê keyeyî ame şiknayene. Taxa Evîna ya Stewrê de zî Dêrsim Yavuz, Mîdyat de Sereka Komeleya Cinîyan ê Suryanîyan Teodora Ozdemîr û Serekê Komeleya Yewîya Sûryanîyan a Mêrdînî Yuhanna Aktaş ameyî destbendkerdene.