Bajarê Lohnê yê Almanya de sîyasetmedar, akademîsyen û hunermendanê êzidîyan vera pêkerdişo ke manêbê Hewlêr û Bexdadî ame kerdene de deklarasyono hempar da.

Deklarasyono ke binê de morê 511 kesan eto de ame vengdayene ke wa statuyê Şingalî bigerîyo garantî û nê waştişî ameyî rêzkerdene:

- Wa pêkerdişê Şinganlî reyna bêro destgirewtene û êzidîyî sey hetê hîrênî bêrê qebulkerdene ke heqê înan ê veto bibo.

- Wa qanûnê bingeyênî yê Iraqî de statuyê komelê êzidîyan sey mende bêro cakedene. Wa Şingal û Nînova sey di bajaranê cîyayan wayîrê îdareyî bî.

- Wa mekanîzmayê pawitiş û asayîşî bêro ronayene û bêîstîsna her keso ke azadkerdişê Şingalî de keda ci esta, tede ca bîgero.

- Wa semedê pawitişê sînoranê Şingalî garantîgirewtişê asayîşê zereyî nê mekanîzmayî de tewr tay 10 hezar kesî ca bigerê.

- Wa komîsyonêk îdereyê cayîyî ra kesê bitecrubeyî semedê karanê şaredarî bivîjo û kesêko xoser sey qeymeqemî bêro vîjnayene.

- Wa komîsyonêko hemparo ke tede pîsporî û merdimê zanîstî estî, agêrayîşê şarî yê Şingalî organîze bikerê.