Meclîsê PJAKî eşkerayîye daye, bale ante şerê mabênê Îran-Îsraîlî ser û semedê têkoşînê hemparî veng da şaranê azerî û tirkan.

Eşkerayîye de nê ameyî vatene: “Rojanê peyênan de bi destpêkerdişê şerê mabênê Îran û Îsraîlî Rojhelatê Mîyanênî de pêkewtiş û pêrodayîşî resayî merhaleyêka newî. Bêşik no şer do tesîrê şaranê Îranî bikero. Na rewşe semedê kurdan û semedê şarê azarî û tirkî zî vîyartbar a. Pêro merhleyanê tarîxî de kurdan û şaranê azerî û tirkan atmosfere weyûbiratîye û dostîye de pîya têkoşîn kerd. Bado ke hêzanê teberî mudaxaleyê nê şaran kerd  û adirê pêkewtişî gir kerd, nê şarî raştê dejan ameyî. Nê wextê tehlukeyinî de planê ke hetê kesanê xiraban ra mabênê kurdan û şarê azerî û tirkan de yenê kerdene wa bêrê betalkerdene. Tay kesê ke xirabîye wazenê kenê ke bi plananê xo yê leyminan şaran biverdê pê. Mas ey PJAKî eşkera îlan kenê ke seba ke tekîlîya ma ya bi nê şaran mexerîpîyo çîyo ke deste ma ra yeno ma do bikerê. Ma xo vera nê wird şaran berpirsîyar hesibnenê û ma do semedê betalkerdişê plananê xiraban pêro hêzê xo bişuxulnê. 

Na çarçewe de ma veng danê dezgehanê komelê sîvîlî û rêxistinanê şaranê kurd, azerî û tirkan ke herême û bajaranê ke wird şarî sey welatê xo yê hemparî vînenî, ma vera tehdît û ziraranê şerî awanîyanê hemparan ronê û têkoşînê hemparî bikerê. Ma sey Partîya Cuyeya Azade ya Kurdîstanî hazir ê ke rêxistinanê demokratîkan ê tirkanê azerîyan reyde hemkarîye bikerê. Ma sey şaran eşkenê pîya têbigêrê. Gerek ma nê wextê tehlukeyînî de erme bi erme pîya rayra şirê û nê dewrî xo dima biverdê. Şima wayûbirayê kurdan ê, bawer bê hetê ma ra şima rê qet tehdîtêk çîn o. Ma veng danê Komara Azerbaycanî û hukmatê tirkî ke polîtîkayanê ke kurdan semedê tirkanê azerîyan sey tehdîtî vînenî, wa înan ra dûrî vindirê. Ma do pêro berpirsîyarîye ya ke kewna milê ma, qebul bikerê û ma hêvî kenê ke rêxstinê sîvîl û sîyasîyî zî nê rayîr de hemkarîye bikerê.”