Tepişteyo nêweş û Zulfu (Îbrahîm) Yildirimo tehlîyeyê ci rê 10 rojî mendbî Zîndanê Xarpêtî de ame qetilkerdene, memleketê ci Dêrsim de ame definkerdene.

Cenzaya Yildirimî saetanê serê sibayî Zîndanê Xarpêtî ra ameye girewtene û ameye berdene memleketê ci Dêrsim. Semedê Yildirimî Cemxaneyê Haci Bektaşî de merasîm ame organezîkerdene. Pîya bi merdimanê Yildirimî Wekîlê HDPyî yê Dêrsimî Alîcan Onlu, rêxistinê partîye yê bajarî û xeylêk kesî tewrê merasîmî bîyî. Badê caardişê wecîbîyanê dînîyan cenaza pê konveyî ameye berdene Wareniç. Yildirim tîya bi lawikanê kirmanckîyan ê cinî û wayanê xo ame definkerdene. Badê definkerdişî mezelê Yildirimî pê vilikan ame xemilnayene.