Tepişteyo nêweş û astengdar Îbrahîm Yildirimo ke tehlîyeyê ci rê 10 rojî mendbî Zîndanê Xarpêtî de vizêr şan ame qetilkerdene. Yildirimo ke rixmê nêweşî û astengdarîya xo vera nêdîyayêne, çimêkê ci kor bibi û çimê ci yo bîn zî se ra 49 dîyêne.

Yildirim 2011 de çarçewa operasyonanê 'KCK'yî de bi îdîaya 'endamîya rêxistine amebi tepiştene û qaşo 25ê tebaxe de do biameyêne veradayene.

Îdareyê Zîndanê Xarpêtî keyeyê Yildirimî rê telefon kerd û îdîa kerd ke Yildirimî 'krîzê qelbî' ra merdo. Keyeyê Yildirimî roja dişemeyî do netîceya raporê otospî bigêro û dima Yildirim defin bikero.

Cinîya Yildirimî ANFyî rê qisey kerdbî û vatbi: ''Ma vera qerqilîyenê û nêwazenê xebera mergê ey bigêrê.''