Beşê ÎHD’yî yê Amedî derheqê binpaykerdişê heqê xoîfadekerdiş û ramojnayîşo cimatkî kombîyayîşê çapemenîye viraşt. Reyna 9 bajaran bînan de zî ÎHD’yî  bi eşkerayîyan bale ante girevanê vêşanîye ser.

Serekê Beşê ÎHD’yî yê Amedî Abdullah Zeytunî yê ke eşkerayîye wende ard ziwan ke Tirkîya de heqê xoîfadekerdişî û ramojnayîşo cimatkî yenê astengkerdene.

 ‘HUKMAT XELETÎ DE ISRAR KENO’

Eşkerayî  de nê ameyî parekerdene: “Polîtîkayê îqtîdarê sîyasîyî goşê xo vengdayîşê haştî rê kerdê kerr û serê bingeyêkê nîjadperest, mîlîtarîst û zayendperestî de israr keno. Seke yeno zanayene parlementera HDP’yî û hemsereka KCD’yî Leyla Guvene û 300 girewteyî zîndananê Tirkîya de seba wedaritişê tecrîdê Îmraliyî kewtî grevê vêşanîye. Roje bi roje hûmara grewteyanê çalakawanan zî zêde bena. Ma her dolime bat ke kerd ke rêzdar Abdullah Ocalan û hîrê girewteyê ke ê zî hepisxaneyê Îmraliyî de yê, ganî bieşkê heqanê xo ra îstîfadê bikerê. Ganî kerdişê bêhuqûqî yê serê rêzdar Abdullah Ocalanî bêrê wedaritene û seba awanbîyayîşê bingeyê haştîya cimatkî ganî prosesê çareserî yê demokratîkî reyna bêro destpêkerdene.  Seba waştişanê Leyla Guvene, parlementeranê HDP’yî waştibi ke Amed de rayraşîyayîşêk ver bi keyeyê Leyla Guvene bikerê. La no rayraşîyayîş amebi astenkerdene û  parlamenterî ameybî derbkerdene. Bi nê polîtîkayî, dewaya Kurdî zî tede problemê cimatkî û problemê heqê xoîfadekerdişî û ramojnayîşê cimatkî nênê çareserkerdene.''

Hetê bînî ra bi heman waştişî Stenbol, Îzmîr, Enqere, Edene, Wan, Mêrdîn, Mersîn, Êlîh û Hatay de zî Komela Heqanê Merdiman bi eşkerayîyan bale ante grevanê vêşanîye ser. Çalakîyan de ame vatene ke sere de Leyla Guvene xoverdayoxê grevê vêşanîye kewtî merheleya krîtîke û veng dîya  hukmatî ke wa berpirsîyarîya xo bica bîyarê.