ÎHD: Tepişteyanê Zîndanê Xarpêtî rê îşkence yeno kerdene
Beşê Komela Heqê Merdiman ê Amedî derheqê Zîndanê Xarpêtî de raporêk eşkera kerd. Ame vatene ke tepişteyê sîyasîyan rê îşkence yeno kerdene.
Beşê Komela Heqê Merdiman ê Amedî derheqê Zîndanê Xarpêtî de raporêk eşkera kerd. Ame vatene ke tepişteyê sîyasîyan rê îşkence yeno kerdene.
Beşê Komela Heqê Merdiman (ÎHD) ê Amedî muracatê merdimanê tepişteyan ê Zindanê Xerpêtî ser tehqîqatêk viraşt. Raporo ke ameyo haderkerdene ewro bi eşkerayîyêka çapemenî ame pare kerdene.
Hemserekê Beşê ÎHDyî Abdullah Zeyhun da zanayene ke tepişteyê sîyasîyan rê nêzdîbîyayîşêko taybet esto û ci rê îşkence yeno kerdene.
Eşkerayî de ame vatene ke heme heqê esasî yê tepişteyê sîyasîyan yene gaspkerdene. Bisebo ke îdarekarê zîndanî ra seba heriş û îxlalkerdişê heqanî kes hesab nêperseno, no zî vernîya zextê zindanan akeno. Zindanê Xarpêt de îşkenceyo sîstematîk ameyo tesbîtkerdene û ganî helek cuwa ver vernîya naye bigerîyo.