Komeleya Heqanê Merdiman (ÎHD) û Mayanê Şemeyî startê aktîvîteyanê 17-31ê gulane Hewteyê Têkoşînî yê Vera Vînîbîyayeyan ê Destbendkerdeyan ê Mîyanneteweyî da destpêkerdene.

Kombîyayîşê çapemenîye banê ÎHDyî de ame kerdene. Sereka ÎHDyî ya Îstanbulî Gulserene Yolerî kombîyayîş de qisey kerd. Yolerî ard ziwan ê do bi weslîleya nê hewteyî aktîvîteyanê cîya cîyayan bikerî û nê vatî: “Seke yeno zanayene Tirkîya de vînîbîyayîşê destbendkerdeyan çîyo kahan nîyo, ewro roja ma de zî no sûc hema dewam keno. 2019î ra nata Yusuf Bilge Tunçî ra xebere nîna girewtene. Pêkerdişê Vînîbîyayeyan ê Neteweyanê Yewbîyayeyan hema zî hetê Tirkîya ra nêameyo îmzakerdene. No zî mojneno ke dewlete berpirsîyarîye ra remena. Mayê Şemeyî tim raştê zext û şîdetê polîsan yenê.”

Dima ra merdimanê kesanê ke bi destê dewlete ameyî vînîkerdene, veng da dewlete ke wa aqibetê merdimanê înan eşkera bikero waşt ke wa Pêkerdişê Vînîbîyayeyan ê Neteweyanê Yewbîyayeyan bêro îmzakerdene.