Komeleya Heqanê Merdiman (ÎHD) û Weqfê Heqanê Merdiman ê Tirkîya (TÎHV) Îstanbul de bi wesîleya 26ê Hezîrane Roja Mucadeleyê Vera Îşkenceyî û Paştdayîşê Kesanê ke Raştê Îşkenceyî Ameyî eşkerayîye daye.

Eşkerayîya ke verê banê ÎHDyî yê de ameye kerdene pa pawitoxanê heqanê merdiman Wekîla Partîya Çep a  Keske ya Amedî Ceylane Akça Cupolo zî tewrê ci bîye.

Temsîlkarê TîHVî yê Îstanbulî Umît Efeyî vist vîrî ke rixmo ke Tirkîya morê xo dayo binê pêkerdişanê mîyanneteweyî ro, îşkence dewam keno û bale ante serê tecrîdê Serê Rayberê Şarê Kurdî Abdullah Ocalanî ke 24 serrî yo Îmali de binê tecrîdê giranî de yo. Efeyî vat, “raporanê Komîteya vera Îşkenceyî ya Ewropa de zî yeno vatene ke Îmrali de îzolasyon est o. Çoka komel zaf qerqilîyeno. Gerek zîndanî hetê rêxistinanê heqanê merdiman û huqîqî ra bêrê kontrolkerdene. Gerek heme raporê CPTyî bêrê eşkerakerdeen û waştişê înan bêrê caardene.”