Bedlîs bi serebûtê tecawuzî rojdem de yo. Serebûto ke her kez zaneno la tay hêzî sey sirêkî nimnenê, Kursê Quranî yê Norşînî de qewimîya. Mala Îhsan Perteklîyo ke dewanê Norşînî de wezîfe kerdêne, seba Kursê Quranî yê Norşînî hetê Muftîtîye ra ame tayînkerdene. Tayînê ey ra serrêke dima serebûtê tecawuzî dest pêkerd.

Kursê Quranî de domanêk dejê anusî ra 2.5 mengî verî wedarîya Nêweşxaneyê Dewlete yê Norşînî. Netîceya cigêrayîşî de eşkera bi ke doman raştê tecawuzî ameyo. Keyeyî naye ser o Dozgerîya Komare ya Norşînî de gerreyê tecawuzî kerd. Domanî nameyê 13 domananê bînan da ke raştê tecawuzî ameyê.

Labelê sîyasîyanê AKPyî û burokrasîya dewlete ya Norşînî bi vateyê 'Şima do rezil bibê, domanan rê heyf bo' keyeyan rê gef wend û kerd ke serebûtî mîyan bikerê.

Lajê malayî tecawuzkerî yo dozger o û verî Mêrdîn de wezîfedar bibi la nika Kocaelî de wezîfedar o, kewt dewre. Dozgerî seba babîyê xo yê tecawuzkerî Dozgerîya Komare ya Norşînî rê teda kerde û kerd ke serebût wa bêro mîyankerdene.

Netîceya teda ke îmamo tecawuzker nêtepişîya. Tecawuzkerî waştişê teqawutbîyayîşî kerd û rema.