Îmam Îhsan Perteklîyo ke hetê Muftîtîya Norşînî ya Bedlîsî ra kursa Quranî de amebi wezîfedarkerdene, kurse de tecawuzê 13 domanan kerd. Derheqê babete de hema zî selahîtedaran eşkerayîyêka fermîye nêdaye. La dewijan pare kerd ke Perteklîyo tecawuzker dewe ra rema.

Perteklî dima ke serebûtê tecawuzî eşkera bîyî bi lezî teqawut bi. Dîya zanayene ke dima ke serebûtî çapemenîye de veng vet keyeyê mexdûrî raştê teda ameyê.

Keyeyanê mexdûranê ke nêwaşt nameyê xo eşkera bikerê, pare kerd ke îmamo tecawuzker dewa Çapkisî de erkdar bi, dima Kursa Quranî ya Norşînî de erk dîyayo ci.

Dewijan da zanayene ke xîret ameyo kerdene ke serê serebûtî bêro girewtene û keyeyanê mexdûran rê seba ke gerre nêkerê pêşnîyazê pereyî ameyo kerdene.

Ame parekerdene ke birayê îmamê tecawuzkerî Perteklîyî dozger o û serebûtî ra dima tedaya Serdozgerîya Komare ya Norşînî kerda ke serebût bêro mîyankerdene.

Goreyê agahîyan Perteklî remayo taxa Kuçukçekmeceyî ya Îstanbulî û telefonê çewî anêkeno.