Hemserekê HDPyî yê Anqara Vezîr Coşkun Parlakî derheqê hêrişanê nîjadperestan ê vera kurdan de ANFyî rê qisey kerd.

Parlakî îfade kerd ke hêrişê nîjadperestî yê vera kurdan û HDPyî wextê peyênî de zêdîyayî û sebebê ney zî ziwanê nefretî yê îqtîdarî yo. Parlakî vat: ''Kurdî wazenê pê nasname, ziwan û kulturê xo biciwîyê. Îqtîdar kurdan sey 'terorîstî' îlan keno û bi nê hawayî keno hedefê hêrişan. Pêro îqtîdaranê Tirkîya key teng bîyî vateyê nîjadperestî yê vera kurdan zêdînayî. Ê wazenê pê hêrişanê vera kurdan û zêdînayîşê neteperwerîye estbîyayîşê xo rê dewam bikerê. Hêrişê Çorum, Afyon û Konya mîsalê ney ê.''

Parlakî pare kerd ke her ke nîjadperestîye zêdîyena zîndanî zî binê tesîrê ci manenê û vat: ''Bi taybetî vera tepişteyanê sîyasîyan ê kurdan nêzdîbîyayîşê keyfî qewimîyenê. Tecrîdê Îmraliyî bi xo hêrişanê vera kurdan teşwîq keno.

Vera nê hêrişan tek rayîr têkoşîno rêxistinbîyaye yo. Kurdî ganî vera nîjadperestîye wurzê payan ser û her ca de rêxistinîya xo awan bikerê.''