Hewteyê vîyarteyî de Hemşaredarê Qersî Ayhan Bîlgen zî tede bi desan HDPyîjî ameybî destbendkerdene. Roja dişemetî zî Walîtîya Qersî şaristan de 'qedexeyê çalakî û aktîvîteyan' ê 15 rojan îlan kerd. 

Qedexeyî ra dima dekewtiş û vejîyayîşê şaristanî ame girewtene. Hemsereka HDPyî Pervîne Buldan do Qers zîyaret bikerdêne. Destûr nêame dayene ke kesê ke waştêne tewrê zîyaretî bibê dekewê şaristanî.

Hemşaredara Qersî Songule Korkmaz zî dekewtişê şaristanî de bi seatan ameye vindarnayene. Songule Korkmaz vera rewşe nêrazîbîyayîşê xo mojna.