12ê adare de xeylêk endamê Partîya Sosyalîste ya Bindestan (ESP), Federasyonê Komeleyanê Ciwanan ê Sosyalîstan (SGDF), Meclîsê Cinîyan ê Sosyalîstan (SKM) ameybî destbendkerdene.

Ewro endamanê ESP, SDGF û Kaldiraçî waşt verê Edlîyeya Çaglayanî de eşkerayîye bidê. Polîsan hêriş kerd û pê îşkenceyî 20 kesî destbend kerdî.

Rêxistina ESPyî ya Adana de zî destbendkerdişê 9 kesanê ke 12ê adare ameyî destbendkerdene ame şermezarkerdene. Eşkerayîye de ame vatene ke dewleta ke erdlerz de hetkarîya şarî nêkerd, ciwananê ke paştî daye şarî, înan hedef gena.