Îstanbul de cinîyî rixmê qedexeyê walîtîye ablûqaya polîsan de şîdetê camêrd-dewlete protesto kerd. Polîsanê tirkan hêrişê cinîyan kerd ke bi Jin, Jiyan Azadî qîrayêne û 150 cinîyî destbend kerdî.
Walîtîya Îstanbulî bi qerarê keyfî çalakîya 25ê Teşrîna Peyêne Roja Têkoşînê Vera Şîdetê Serê Cinîyan a Dinya qedexe kerd.Cinîyan qedexeyê walîtîye nêrasina û bi slogana “Jin jiyan azadî” verê xo da Taksîmî. Cinîyî Taksim û dormeyê ci ra ablûqayê polîsan rijnayî û Tunel û Galata ra ver bi Karakoy rayra şîyî.
Polîsan verê cinîyan girewt û bi sebebê sloganan xeylêk cinîyî bi îşkenceyî destbend kerdî. Cinîyan bi Jin Jiyan Azadî hêrişê polîsan protesto kerd. Cinîyan ke waşt ablûqaya polîsan wedarî ameyî derbkerdene.
Baroyê Îstanbulî da zanayene ke 150 cinîyî ameyî destbendkerdene.
