Gerîlayanê YJA-Starî û HPGyî ANFyî rê qisey kerd û serrgêra ronîyayîşê PKKyî fîraz kerde.

Gerîlaya YJA-Starî Vîyane Efrîn vat: ''Ronîyayîşê PKKyî ra verî şarê kurdî mabênê merg û cuye de bi. Bi ronîyayîşê PKKyî şarê kurdî gandar bi, xo şinasna, wayîrê kultur û estbîyayîşê xo vejîya. No teyna seba şarê kurdî ney seba pêro şaran raştîyêk a.''

Gerîlayê HPGyî Egîd Rojhilatî vat: ''PKK partîya şehîdan a û qesasê şehîdan gêna. Ma xeta şehîdan ra şinê û têkoşînê xo berz kenê. Gerîlayê ke Metîna, Zap û Xakurkê de tunelan de xo ver danê, rayîrê Hakî, Kemal û Mazlûman de têkoşînê azadîye kenê. Ma qerardar ê ke têkoşînî ser bivisnê.''

Gerîlayê HPGyî Rojger Serhedî vat: ''PKK ewro derbanê giranan dano dişmebî ro. Şarê ma zî gerîlayan ra mesajê raştî gêno û goreyê ci têkoşînê xo berz keno. Ma mîyanê nê şertanê giranan de seba şarê xo û azadîya Rayberîye şer kenê. Rixmê pêro zehmetîyan zî ma do bi serfîrazîye têkoşînî tacîdar bikerê.''

Gerîlaya YJA-Starî Çîyajîne Kotol vat: ''Her roje hêrişê pîlî yenê kerdene. La ma sey milîtananê raştîye verê nê hêrişan de bi xurtî xo ver danê. Ma ronîyayîşê PKKyî bi coş û moralî fîraz kenê. PKK hêzê gandarbîyayîşî yo. Embazanê ma Rojgêr û Hêlîne mojna ke gerîlayî eşkenê hertim cewabê faşîstan bidê. PKK do qetî nêqedo. Ma do tim nê rayîrî de têkoşînê xo pîlêr bikerê.''

Gerîlayê HPGyî Amed Farqînî vat: ''PKK seba ma hem estbîyayîşêko newe hem zî cuyêka newîye ya. PKKyî ra ver kurdî ameyêne qirkerdene. Şehîdê ma zî rûmetê ma yê. Ma wayîrê mîrasê Kemal û Mazlûman vejîyenê û rayîrê nînan ra şonê. Ma ganê xo seba serkewtiş û azadîye danê.''