Îstanbul de muxabîrê Ajansê Mezopotamya (MA) Enes Sezgîn wexto ke çalakîya vera qirkerdişê Konya teqîb kerdêne maruzê hêrişê komêka nîjadpereste bi û pa rojnameger Taylan Oztaş û 4 ciwanan ameyî destbendkerdene.

Qirseyê çalakîkeran wexto ke Meydanê Tunelî ra ver bi Kasimpaşayî şîyêne faşîstanê AKP-MHPyî hêrişê girseyî kerd. Hêriş de muxabîrê MA Enes Sezgîn û rojnamegerê Ozgur Gelecekî Taylan Oztaş zî tede xeylêk rojnamegerî maruzê îşkenceyî mendî.

Îşkenceyî ra dima Sezgîn, Oztaş û 4 ciwanî ameyî destbendkerdene û semedê raporê derbe wedarîyayî Nêweşxaneyê Taksîmî. Nêweşxane de destê rojnamegeran pey ra ameyî kelemçekerdene û polîsan rojnamegerî mila înan ra tepiştî. Mabênê polîs û rojnamegeran de nîqaşî qewimîyayî.

Nêweşxaneyî ra dima destbendkerdeyî ameyî berdene bi Qereqolê Kasimpaşayî.