Yenikapiya Îstanbulî de Newroze bi şîarê ''Wext wextê serkewtişî yo'2 yene fîrazkerdene.Saetanê serê sibayî rewre ra şaran û hêzanê demokrasîyî her hetê Îstanbulî ra verê xo warê Newroze.

Vejîyayîşê Metroyê Yenikapi û nuqtayanê cigêrayîşî yê polîsan de govende ameye girewtene. Warê şayîye de marşê “Çerxa şoreşê”  ameye wendene û slogana Biciwîyo Serek Apo yenê eştene. Komîteya Amadekerdişî ya Newroze zî nuqtaya cigêrayîşî na ro ke wa şayîye bi bê problem bêro kerdene. Rixmê astengkerdişanê keyfîyan ê polîsan şar pê pankart û flamayanê xo kewt war.

Polîsat bitaybet dest na atkiyanê ke fotografê Hemserekê Pêroyî yê HDPyî yo verên Selahattîn Demîrtaşî ser o esto, ser. Rixmê serd û sipirî ş hewtî ra heta hewtay şar bi slogananê xoverdayîşî kewt warê şayîye. Kincanê tradîsyonkîyan ê kurdan bale ante xo ser. Şayîye bi deyîran û govende dewam kena.