Îstanbul de polîsanê tirkan serê sibayî qezayanê Esenyurt, Esenler, Maltepe, Pendîk, Kagithane de eşt xeylêk keyeyan ser. Sereştişan de polîsan hemwelatîyan rê îşkence kerd. Esenyurt de pêro ferdê keyeyêkî raştê îşkenceyî ameyî. Dîya zanayene ke polîsan cigêrayîş de hacetê keyeyî serûbin kerdê û pê copan dayo ferdanê keyeyî ro.

Destbendkerdeyî ameyî berdene bi Mudirîya Asayîşî ya Îstanbulî. Hûmara destbendkerdeyan nêzanîyena.

Ame parekerdene ke derheqê destbendkerdeyan de qedexeyê pêvînayîşê avûkatan est o.

Nameyê tay destbendkerdeyan wina yê: Şahîn Ozyildirim, Riza Kaplan, Nesîm Ozkan, Nuredîn Aydogan, Hêlîne Akman, Alattîn Altintaş, Erkan Talaş, Şukru Guler, Umut Delîl Aksoy, Devran Kurt, Resul Gedlec, Melîke Akman, Mizgîne Akman.