Polîsan bi îdîaya ganî îfade bida, waşt Hemşaredara Dêrsimî BIrsene Orhana ke wezîfeyê ci ame xespkerdene, destbend bikerê.

Birsene Orhan gama ke Kuçeyê Hunerî ra şiyêne keyeyê xo polîsan verê ci girewt û vat ganî a şira îfade bida. Şarî vera polîsan nêrazîbîyayîş mojna. Dima ra şaro ke Meydanê Seyîd Rizayî de nobete tepiştêne o zî şi Kuçeyê Hunerî û Birsene Orhan serbest ameye veradayene.

Şar reyna bi slogananê sey ''Dêrsim hîşyar bi, wayîrê îradeyê xo bivejîyê'' û ''Kurdîstan do bibo mezelê faşîzmî'' heta Meydanê Seyîd  Rizayî rayraşîyayîş kerd. Meydan de nobete dewam kena.