Dokumentê hemwelatijîye yê rûmetî Barceto de bi merasîmêk ame pêşkêşkerdene. Şaredar Luîgî Lucchîyî dokument da avûkata Ocalanî Newroz Uysale.

Lûcchîyî merasîm de qisey kerd û bale ante serê qirkerdişanê ke heta nika şarê Kurdan rê ameyî kerdene. Lucchîyî vat ke şarê Kurdî têna nîyê û do teqez heqanê xo yê bingeyînan apey bigêrê.

Uysale dima qisey kerd û destpêk de spasîya şaredarî û endamanê meclîsê şaredarîye kerde. Uysale vist vîrî ke Ocalanî 20 serrî yo girawêke de tecrîdkerde yo û vat, qedînayîşê tecrîdî û caardişê azadî ya Ocalanî pê paştdayîş û têkoşînê mîyanneteweyî bêrê viraştene.

Komîteya paştdayîşî ya şarê Kurdî zî bi eşkerayîye veng da herkesî ke wayîrê têkoşînê azadîye bivejîyê.Merasîm pê deyîranê muzîsyenan ê Kurdî û Îtalya û bi şîîran qedîya.