Şerwano enternasyonalîst Lorenzo Orsettîyo ke şerê hemverê DAÎŞ’î de mîyanê refanê YPG’yî de şehîd bi, nameyê ê ame dayene bi kitabxaneyo ke îstasyona trêne ya bajarê Bercetoyî yê nizdîyê Parma de yo.
Lorenzo Orsettî (Têkoşer Piling) yo ke şerê hemverê DAÎŞ’î de Rojawan de şehîd bi, nameyê ê bi qerarê şaredarîya Bercetoyî û endamanê meclîsê şaredarîye ame dayene kitabxaneyê îstasyona trêne ya bajarî ra.
Bi wesîleya akerdişê kitabxaneyî merasimêk ame viraştene û xeylî kesî tewrê ci bîyî. Şaredarê Bercetoyî Luîgî Lucchî, serekê Komeleya Partîzanî ya Îtalya ya Parma Aldo Montermînî, şerwano verên ê YPG’yî Claudîo Locatellî û bi nameyê Têgêrayîşê Kurdistanî yê Parma Serkan Xozatli û Nelly Bocchî merasim de qisey kerd.
Şaredar Luîgî Lucchî şexsê Orsettîyî de ard vîrî ke hemverê faşîzmê Frankoyî yê Îspanya, 59 hezar enternasyonalîstanê Îtalyayijî tewrê mucadeleyî bîbî.
Lucchî veng da her kesî ke her wareyî de wayîrê mucadeleyê heqdarî yê şarê Kurdî vejîyê.
Qiseykerdoxan heman wextî de bale ante serê xoverdayîşê grevanê vêşanîye yê hemverê tecrîdkerdişê Ocalanî û seba wayîrvejîyayîşê nê xoverdayîşî veng da.
Merasim bi wendişê marşê Rocco Rosignoli û marşê Koroya Şarî ya Partîzanî qedîya.
