Şaredarîya Lozanî da zanayene seba mexdûranê erdlerzî 80 hezar frankî hetkarî daya Heyva Sor a Kurdîstanî û Medîarî ke sazgehê hetkarî yê. Aktîvîstan zî çadira bexşî ya Zurihî de hetkarî kerde.
Şaredarîya Lozanî ya Swîsre eşkerayîye weşena û seba ke Tirkîya û Sûrîye de erdlerz virazîyayo 80 hezar frankî dayî Heyva Sor û Medîarî ke sazgehê hetkarî yê.
Eşkerayîye wina ya: ‘‘Erdlerzê 6ê sibate ra dima şaredarîya ma qerar da ke seba mexdûranê erdlerzî bi lez û bez hetkarî bikera. Nameyê Heyva Sor a Kurdîstanî û Medîarî ser o 80 hezar frankî hetkarîye ameya kerdene.’’
Encumena Şaredarîya Lozanî Sevgî Koyuncu vat: ‘‘Hetkarîya ke şaredarîya ma seba mexdûranê erdlerzî kerda, zaf muhîm a. Gere sazgehê Swîre dewam bikerê ke hetkarî bikerê.’’
Paştîdayîşê Heyva Sor vêşî beno
Kampanyaya ke Heyva Sor a Kurdîstanî seba mexdûranê erdlerzî daya destpêkerdene, roj bi roje vêşî bena.
Cinîyanê kurdan keye de werd pewt û ard tîya de rot. Peryê ci bexşê kampanya kerdî. Xeylê însanî dostê kurdan mîyanê kampanya de ca gênê. Paştîdayîş roj bi rroje vêşî beno.
