Şervano enternasyonalîst Lorenzo Orsettî (Têkoşer Piling) yo ke şerê vera DAÎŞ’î de şehîd bibi, paytextê Îtalya Roma de, Unîversîteya Sapîenza ame yadkerdene.

Erol Aydemîro ke 28 rojî yo girawa Sardenya ya Îtalya de tewrê grevê vêşanîye bi û nika çalakîya xo Roma de dewam keno, beşdarê çalakîya vîrardişî bi. Aydemîrî ard ziwan ke wayîrvejîyayîşê vîrardişê Orsettî wayîrvejîyayîşê îdeolojîyê Rayberê Şarê Kurdî Abdullah Ocalanî yo û vat, “Her cayê dinya de vîrardişê şehîdan, eynî wext de yeno manaya girêdayîşê vîrarişê înan o.” Aydemîrî da zanayene, Orsettî û xeylî şorişgerî Rojawan de têkoşînê merdimîye de şehîd kewtî û ê do vîrardişê înan ra wayîr bivejîyê. Aydemîrî bale ante serê grevê vêşanîye, ke o zî mîyan de yo, û vat, heta tecrîdê serê Ocalanî nêro wedaritene o do çalakîya dewam bikero. Hetê bînî ra unîversîte de derheqê xoverdayîşê grevê vêşanîye de standêk ame akerdene û vilawekî ameyî vilakerdene.