Hîrê cinîyê kurdî yê şorişgêrî Sakîne Cansiz, Fîdane Dogan û Leyla Şaylemez ê ke 9ê çeleyê 2013î de Paris de ameybî qetilkerdene paytextê Kolombîya Bogota de, taxa Chapineroyî de ameyî yadkerdene.

Şexsê cinîyan ê şorişgêran ê Parisî de cinîyê serkêşî Berta Cáceres, Beti Cariño, Cristina Bautista û Marielle Franco zî ameyî yadkerdene. Çalakîye vengdayîşê Kolektîfê ArtoArte û têgêrayîşê Surcoselapiel û Confluencia ser o ame kerdene û xeylê cinîyî tewrê ci bîyî.

Cinîyan nameyê konfederalîzmî ser o qisey kerd û vat: ''Ma do pîya bimusê.''

Cinîyan dima seba selamkerdişê Şorişê Rojawanî zî semînerêk viraşt, dîmenêk pare kerd û paştdayîşê xo mojna şarê kurdî.

Cinîyan dîyar kerd ke şarê Rojawanî tena nîyo.