Semedê Sakîne Cansiz, Fîdane Dogan û Leyla Şaylemez ê ke 9ê çeleyê 2013yî de Paris de hetê dewleta tirke ra ameyî qetilkerdene û Sêvê Demir, Pakize Nayır ve Fatma Uyar ê ke Silopîya de ameyî qetilkerdene, qezaya Nisêbînî ya Mêrdînî de merasîmê vîrardişî ame organîzekerdene.

Hemsereka Pêroyî ya DEM Partî Tulaye Hatimogullari zî tede cinîyê ke Parka Haştîye  de ameyî têhet û bi slogananê "Jin, Jiyan azadî", “Jin Jiyan Azadî, Sara, Rojbîn, Ronahî”, “Bijî berxwedana jinan” û “Bijî berxwedana Rojava” rayra şîyî. Cinîyan rixmê barîkatanê polîsan rayraşîyayîşê xo rê dewam kerd û dima ra eşkerayîye daye. Cinîyan vat têkoşînê înan ke Sarayan ra hetê Sevêyan dewam kerd do çirey meqedîyo.

Tulaye Hatimogullari zî qiseykerdişê xo de şemedê wayîrvejîyayîşê têkoşînê şehîdan û xoverdayîşê Rojawanî veng da,cezaya îdamî ke dîyaye Pexşane Ezîzî şermezar kerd û vat: ''Ma do sey her wextî vera cînayetanê vera cinîyan û suîkastanê sîyasîyan vajê Jin Jiyan Azadî.''

Badê eşkerayîye semedê cinîyan ke ameyî qetilkerdene çalakîya roniştişî ameye kerdene û dima ra cinîyî ver bi banê DEM Partî yê qeza rayra şîyî.