Derheqê Serekê ci Îbrahîm Kaoglu û endamanê Heyetê Îdareyî yê Baroyê Îstanbulî bi waştişê ''wa erkê înan apey bêro girewtene û newe ra weçînayîş bêro kerdene'' Mehkemeya Aslîye ya Îstanbulî de dewa ameye akerdene.
Derheqê Serekê ci Îbrahîm Kaoglu û endamanê Heyetê Îdareyî yê Baroyê Îstanbulî Rukîye Leyla Suren, Hurreme Sonmez, Ahmet Ergîn, Metîn Îrîz, Memedalî Bariş Beşlî, Yelda Koçak Urfa, Firat Epozdemîr, Ezgî Şahîn Yalvarici, Ekrem Bîlen Selîmoglu û Bengîsu Kadi Çavdar de bi waştişê ''wa erkê înan apey bêro girewtene û newe ra weçînayîş bêro kerdene'' Mehkemeya Aslîye ya Îstanbulî de dewa ameye akerdene.
Dewa hetê Serdozgerîya Komare ya Îstanbulî ra ameye akerdene û serdozgerîye muracatê Wezîrîya Edaletî zî da ke derheqê nê kesan de bi îdîaya 'propagandaya rêxistine' tehqîqat bêro kerdene.
Baroyê Îstanbulî derheqê babete de eşkerayîyêke daye û da zanayene ke dewa seba ke înan vera qetilkerdişê rojnamegeran Nazim Daştan û cîhane Bîlgîn nêrazîbîyayîşê xo mojnayo ameya akerdene. Baroyî pare kerd ke dewaya vera înan huqûqî nîya û serdozgerîye kena ke baroyî krîmînalîze bikera.
Hetê bînî ra Baroyê Îzmîrî, Komeleya Huqûqnasan a Seba Azadîye (OHD) û Komeleya Huqûqnasanê Modernan (ÇHD) vera dewa bi eşkerayîyan nêrazîbîyayîşê xo mojna û îfade kerd ke na dewa vera huqûqî, mekanîzmayanê pawitişî û avûkatan hêriş ê.
