Heyetêkê Rojawanê Kurdîstanî Îngilîstan de Wekîlê Partîya Federale ya Demokratîke Sammy Wilson, Temsîlkara Partîya Muahfezakare Caroline Dinenage, sîyasetmedar û dîplomatê verênî Lord Jay de pêvînayîş kerd.

Hemsereka Dayîreyê Têkilîyanê Teberî yê Îdareyê Xoserî Îlhame Ehmed, Hemserekê Nuştegehê Têkilîyan ê Meclîsê Sûrîyeya Demokratîke (MSD) Hesen Mihemed Elî zî mîyanê heyetî de cabîyî.

Pêvînayîş de caardişê dişmenî yê çeteyanê dewleta tirke, hêrişê vera Awbendê Tişrînî ameyî ercnayene û wird terefan zî ard ziwan ke seba vindarnayîşê hêrişan ganî dewleta tirke rê teda bêra kerdene. Pêvînayîş de ame vatene ke ganî pêro teref û şarê Sûrîye tewrê Konferansê Neteweyî yê Sûrîye bibê û awankerdişê Sûrîyeya newîye de cabigêrê. 

Heyetê Rojawanî seba agêrayîşê koçberanê Efrînî û koçberanê înan veng da. Heyetê Rojawanî waşt ke ganî heyetêko mîyanneteweyî Rojawan zîyaret bikero

Wekîl Wilsonî dîyar kerd ke ê amade yê ke heyetêkî bişawê Rojawanî û seba teqîbkerdişê serebûtanê herême Parlamentoyê Îngilîstanî de têbigêrê. 

Peynîya pêvînayîşî de wird terefan zî pare kerd ke ganî paştdayîşê bi Sûrîye bêro zêdînayene û pirrengîya Sûrîye bipawîya.