Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene, lajê xo Ferît Şenyaşarî reyde xoverdayîşê xo domnena. Roja 106. ya çalakîye de rewşa dayîke Şenyaşare bîye xirab.

Keyeyê Şenyaşarî  seba ke dozgerê dewa de pêvînayîş bikero xeylêk rey waştişname dabi. Ewro reyna semedê dayîşê waştişnameyî dewkewtê banê edlîye. Seba ke cewabê waştişnameyî nêame dayene Keyeyê Şenyaşarî verê berê edlîye de dest pê çalakîya roniştişî kerde. Lawikanê dayîke Şenyaşare banê edlîye zimna. Polîsan bi qerarêkê keyfî bexçeyê edlîye de roniştiş û payra vindertiş qedexe kerd. Rixmê astengkerdişî Şenyaşaran  çalakîya xo rê dewam kerde. Polîsan hemwelatîyî û rojnamegerî bi destbendkerdişî tehdît kerdî. Badê astengkerdiş polîsan dayîke Emîne Şenyaşar vat zerrîya aye hinî na bêedaletîye rê tehamûl nêkena û xora şîye.  Rixmo ke aye nêweşte, polîsan bi zor remnaye û berde Nêweşxaneyê Mehmet Akîf Înanî. Şenyaşara ke tansîyon û şekerê ci şîyî dîyar badê mudaxaleyê doktaran nêweşxane ra vejîyaye.

Şenyaşara ke doktorî tira vat ganî biarisîyo vat a do keye de mevinde û siba reyna verê edlîye de bo. Ferît Şenyaşaro ke pîya bi dayîka xo kewt rayîrê keyeyî vat: Ma do siba reyna verê banê edlîye de bê. Ma do têkoşîn û cigêrayîşê edaletî cameverdê. Kam ke wazeno paştî bido ma wa bêro verê edlîye.