14ê hezîrana 2018î de keyeyê Şenyaşarî ra hîrê kesî hetê merdimanê Wekîlê HDPyî Halîl Îbrahîm Yildizî ra kişîyabî. Keyeyê Şenyaşarî ra dadî Emîne Şenyaşar û lajê ci Ferît Şenyaşar 494 rojî yo nobeta edaletî kenê.

Seba ke dayîke Emîne nêweş a lajê ci Ferît Şenyaşarî verê Edlîyeya Riha de dest pê nobete kerd. Ferît Şenyaşarî vat: ''Edlîye girewte biba zî ma do nobete rê dewam bikerê. Vera keyeyê ma qirkerdişêk ame kerdene, kesêk naye ra nêtepişîya la birayê mi 4 serrî yo hucreyê yewkesî de tepişîyeno.''

Şenyaşarî ard ziwan ke dadîya xi rixmê emrê xo yê dergî lajê xo Fadil Şenyaşar Zîndanê Xarpêtî de zîyaret kerdo. Ferît Şenyaşarî vat: ''Moralê birayê mi cade bi. Bawerîya caardişê edaletî hêzî dana ey. Ma do nê zulmî qebul nêkenê. Heta ke edalet bêro caardene ma do keyeyê xo de nênişê ro.''