Endamê Komîteya Merkezî ya PKKyî Cemal Şerîkî cewab da persanê ANFyî. Qiseykerdişê Şerîkî ra qismêk wina yo:

“Ma demêkê zaf krîtîkî ra ravîyerenê. Tay mendo ke 34 serrê Şerê Dinya yê 3. bibê de. Nê demê krîtîkî de hûmara persan zî zêdîyena. No demî ra do senî netîce bivejîyo. Cewabo tewr muhîm ê karkeran, kedkaran, şaran, cinîyan û ciwanan o. Çunkê nê hetê şerî de nîyê û kenê ke vera şerî alternatîfê xo aver berê. No zî înan keno wayîrê berpirsîyarîya pîle. 1ê Gulane de berpirsîyarî û wezîfeyê înan pîlêr benê. Rayber Apo xora bi paradîgmaya xo rayîr mojneno ra. Hemleya Rayber Apoyî rê azadîye û meseleya kurdan rê çareserîya sîyasîye zî ya ke 10ê teşrîna verêne de dîyaye destpêkerdene, a zî paştî dana nê.

Demê winayênî de manaya 1ê Gulane zaf cîya ya. Karker, kedkar, şar, cinî û ciwanan ê Kurdîstan û Tirkîya bi tewirê xo yê şorişgêrî yê 15ê Sibate, 8 û 21ê Adare, weçînayîşanê 31ê adare û 4ê Nîsane ramojna ke esmer do waran pirr bikerî û 1ê Gulane ê her wextî ra zafêr biheybet pîroz bikerê. Ez hêvî kena ma 1ê Gulane bi coş û heyacanê pîlî pêşwazî bikerê û sere de Rayber Apo ez 1ê Gulane yê karker û kedkar û heme şaranê bindestan pîroz kena.

Menga gulane eynî wextî de menga şehîdan a. Ez şexsê Ramazan Kaplan û hemrayanê ci, Mehmet Karasungur û Îbrahîm Bilgîn, Deniz Gezmiş, Yusuf Aslan, Huseyin Inan, Îbrahim Kaypakkaya, Haki Karer, Halil Çavşun, Sinan Cemgil, Alpaslan Ozudogru Kadir Manga de şehîdanê şoriş û sosyalîzmî înanê ke semedê ma, şaranê ma, kedkar û karkeran keda pîle daye, bi cuye û gonîya xo îmkanê pîrozkerdişê 1ê Gulane de daye ma, ez înan bi zî bi rêzdarî yad kena. ”