Şerwananê enternasyonelan ê YPJyî bi mesajêkê bi vîdeoyî hêrişanê îşxalî yê dewleta tirke ser o eşkerayîyêke weşanaye. 

Eşkerayîye de ame parekerdene ke 22ê temmuze de Fermandara YATî Jîyane Tolhildan, Fermandara YPGyî Roje Xabûr û Endama YATî Barîne Botan hêrişê dewleta tirke de şehîd bîyê û 2022 de zî vera Rojawanî 56 hêrişî ameyê kerdene û nê hêrişan de 27 kesî ameyê qetilkerdene.

Şerwanan dîyar kerd ke îşxalê Efrînî ra dima hêrişanê vera Rojawanî bêmabên dewam kerd. Şerwanan bale ante ser ke armancê nê hêrişan çinkerdişê Şorişê Rojawanî û koçkerdişê kurdan o.

Şerwanan venga dostanê Rojawanî yê dinya da û vat: ''Bêrê ma sere wedarnê û şorişê cinîyan bipawê. Ganî ma planê gemarinî yê dewleta tirke teşhîr bikerê ke dewleta tirke şorişgêran ê cinîyan kena hedef. Ma wazenê ganî warê hewayî yê Rojawanî û gêrayîşê teyarayan bêrê qedexekerdene.''

Şerwanan da zanayene ke heta peynî ê do şorişî bipawê.