Şewa seba paştdayîşê rojnameyê Yenî Ozgur Polîtîka ya ke êdî bîya sey adetî, emser bajarê Bîschofsheîmî yê Almanya de do bêra pîrozkerdene. Rojnameyî heme wendoxan û dostanê xo dawete şayîye kerdî.
Rojnameyê Yenî Ozgur Polîtîka yo ke bajarê Neu-Isenburgî yê Almanya de yo û bi slogana “Rastîye de israr” weşanê xo dewam keno, serra xo ya 13’ine bi şewêka paştdayîşî pîroz keno. Rojnameyî reyde şewa paştdayîşî, 28’ê Nîsane bajarê Bîschofsheîmî yê Almanya de do bêra pîrozkerdene.
Hemverxatoxa Kongreya Demokratîk a Şaran (HDK) û parlamentera Partîya Şaran a Demokratîke (HDP) ya Mûşî Gulîstan Kiliç Koçyîgîte zî do tewrê şewe biba. Hetê bînî ra hurnermendî Mercan Erzîncane, Elêonore Fournîau, Hozan Dîno û Koma Zerdeştê Kal zî do bivejîyê sehne.
Rayberîya rojnameyê Yenî Ozgur Polîtîka bale ante serê xoverdayîşê grevê vêşanîye yê ke rayberîya Hemsereka KCD’yî Leyla Guvene û zîndanan de vera tecrîde serê Rayberê Şarê Kurdî Abdullah Ocalanî yenê kerdene û ard vîrî ke 13 rojnamegerê çapemenîya azadîye zî mîyanê xoverdayîşî de ca girewto. Rayberanê rojnameyî seba wedaritişê tecrîdî vengdayîşê girdkerdişê xoverdayîşî kerd û her kes dawetê tewrbîyayîşê şewe kerd.
Adresa salona ke şayîye do bêra viraştene wina ya: “Global, Industriestr. 13, 65474 Bischofsheim."
