Fermandarê Qerargehê Merkezî yê Pawitişê Şarî Mûrat Karayilanî Kongreya Kongreya Neteweyî ya Kurdistanî (KNK) rê mesajêk erşawit.

Mesajê Karayilanî ra tayî cayî wina yê:

“Dişmenê Kurdan dewleta Tirkî ya faşiste seba çinkerdişê destkewteyanê Îdareyê Xoserî  yê Vakur û Rojakewtena Sûrîye hêrişêko giran verba Rojawanî kena. Wazena ke reyna Kurdan bikê qurbanê menfaatanê xo. La na rey zî do ser nêkewe. Pêroyê şarê Kurdistanî, dostê Kurdan dormeyê ‘Cengê Rojawanî’ de bîyî yew. Ma amade yê ke seba şarê xo bedelan bidê.Rayberîya şaranê mêrxasan ê Vakur û Rojakewtena Sûrîye şarê ma têkoşînê xo yo tarîxî binusê. Bi nameye KNK’yî ganî ma verba îşxalkarîye rayaumûmîya dinya bifînê payan ser û seba ke balan biancê naye ser seferber bibê. Şorişê Rojawanî destkewteyo neteweyî yo, rûmeto neteweyî yo, erjê azadîye yê dinya yo, coka pawitişê ey wezîfeyê her Kurdî yo.

Ma baş zanenê ke têna stratejîyêkê dewleta Tirkî esto; qirkerdişê Kurdan. Naye ra ganî Kurdî baş bizanê ke ê mîyanê şert û mercanê de nêeşkenê parçeyêkê Kurdistanî ra netîce bigêrê. Ganî Kurdî bi hewayêkê xurtî paşt bidê têkoşînî û wezîfeyê pawitişê parçeyî bigêrê xo ser. Coka şertanê sîyasî û şerî yê Rojakewtena Mîyanêne de ma xo sey berpirsîyarê tarîxî vînenî  û ma seba pêroyê Kurdan mesajê yewbîyayeyî erşawenê. Ma Heyetê Pêroyî yê 19’in ê KNK’yî silam kenê. Bawer kena ke ma do ser bikewê. Ez sey endamê KNK’yî sond wanena ke ez do berpirsîyarîya xo bîyarî ca, bi hûrmetdarîye silam kena.”