Adana de Nobeta Edalatî ya ke vera tecrîdê Îmraliyî û paştdayîşê grevê vêşanîye yê tepişteyan dîyaye destpêkerdene, dewam kena.

Îdarekaranê TUAY-DERî yê Çukurova û endamanê DEM Partî ya bajarî ra grûbêke waşt çalakwanan zîyaret bikero. Polîsan hêrişê grûbe kerd, xeylêk kesî birîndar bîyî. Grûba ke xeylêk wext binê ablûqaya polîsan de ameye tepiştene, rixmê heme hêrişan peyser game nêeşte û çalakwanî zîyaret kerdî.

Çalakîye de bale ameye antene grevê vêşanîye yo ke semedê azadîya Rayberê Şarê Kurdî Abdullah Ocalanî yena kerdene ser û ame vatene ke mifteyê haştîye Îmrali de yo.

Dayîka Haştîye Emine Eren vat, ''Ma ra tersenê, coka hêriş kenê. Rixmê heme hêrişan ma do tim haştîye biwazê. Tecrîdê Îmrali vera komelî vila beno. Heta ke tecrîd meqedîyo komel nêeşkeno bibo azad. Abdullah Ocalanî ganî bibo azad.''

Çalakîye de mektubê tepişteyanê ke Zîndanê Kurkçulerî yê Adana de girevê vêşanîye de yê ame wendene.

Hetê bînî ra Amed, Wan, Îstanbul û Mersin de zî Nobetê Edaletî dewam kenê.