Amed, Îstanbul, Adana û Wan de Nobetê Edaletî yê ke çarçeweya hemleya  ''Abdullah Ocalanî rê azadîye, meseleya kurdan rê çareserîya sîyasîye'' de dîyayî destpêkerdene, dewam kenê.

Çalakîya Amedî roja 13. de ya. Çalakîye de ame vengdayene ke wa xoverdayîşê zîndanan û Nobetê Edaletî bêrê wayîrvejîyayene ke tecrîd bêro şiknayene.

Çalakîya Îstanbulî roja çarine de bi dengbejan û deyîran dewam kerde. Çalakwanê ke bi hewayêkê qerardarî çalakîya xo domnene semedê xurtkerdişê têkoşînî veng da.

Çalakîya Wanî roja 12. de dewam kena.  Çalakîye rê eleqaya pîle est a. Şar semedê şiknayîşê tecrîdî qerardar o.

Adana de zî 13 rojî yo bi eynî waştişî Nobeta Edaletî yena domnayene. Dayîkê ke çalakîye de veng da ke wa şar vera tecrîd û tepişteyê ke zîndan de mergî rê ameyî caverdayene, wirzo payan ser.