Abdullahvahab Adsoyo ke 1993 de qezaya Qoserî ya Mêrdînî de ame tepiştene û hetê Mehkemeya Asayîşî ya Dewlete (DGM) ra cezaya muebdî dîyaye ci, badê 30 serran 27ê nîsane de Zîndanê Bandirma ra ame tehlîyekerdene.

Abdullvahab Adsoyo ke badê tehlîye agêra memleketê xo hetê keye û rêxistinanê komelî ra meydanê teyarayan ê Mêrdînî de bi vilikan û tlîlîyan ame pêşwazîkerdene. Adsoy dima ra
bi konvoyî verê xo da keyeyê xo ke Taxa Sanayî de yo. Adsoy tîya bi def û zûrna ame pêşwazîkerdene. Semedê Adsoyî govende ameye girewtene û tîlîlîyî ameyî antene.

Adsoyî vat: “Mi sozêk da û semedê caardişê nê sozê xo ez do biciwîyê. Mi 30 serrê xo ravîyarnayî la rûhê mi tim şima reyde bi. Ez do heta dalpaya peyên a gonîya xo têkoşîn biker. Ma hêzê xo şarê xo ra genê. Heta ke şarê ma peyê paştîya ma de bi, kes nêeşkeno çîyêk bikero ma.”