Heyetêkê Akademîya Paştdayîşî ya Anqara (ADA) seba paştdayîşî HDP zîyaret kerd. Hemserekê HDPyî Mîthat Sancarî heyet pêşwazî kerd.

Akademîsyenanê Haştîye ra Sevîlaye Çelenk zîyaret de qisey kerd. Sevîlaye îfade kerd ke operasyonê vera HDPyî vera pêro muxalafetî yenê kerdene la paştdayîşê înan ê seba HDPyî dewam keno. Sevîlaye Çelenk ard ziwan ke ganî vera faşîzmê AKP-MHPyî bloko antîfaşîst bêro ronayene.

Sancarî zî da zanayene ke rejîm sîstemê xo awan keno, wazeno komel dîzayn bikero û coka AKP-MHPyî hêverî hêrişê akademîsyenan kerd. Sancarî vat: ''Dezgehê tewir bi tewirî ma rê mesajanê paştdayîşî erşawenê. Ma pê bawer ê ke ma eşkenê na rewşe bivurnê. HDP xoverdayîşê xo dewam keno la ganî ma pîya têkoşîn bikerê, pîya verê hêrişan bigêrê. Ganî ma şansê ronayîşê îtîfaqî zî hol bixebitnê.''