Vervatoxa Paltformê Paştdayîşê Sosyalîstî (SODAP) Sevtape Akdag tewrê kampanyaya HDPyî ya bi nameyê 'Her kesî rê edalet' bîye. Akdage derheqê xoverdayîşê wendekaranê Bogaziçi de ANFyî rê qisey kerd.

Akdage îfade kerd ke vera înan rejîmêko tekperest esto û vat: ''Vera HDP û xoverdayoxan rê teda, zorbazî û bêhuqûqî yenê kerdene. Caardişê qeyûman zî verî pê HDPyî dest pêkerd, dima dezgehan rê qeyûmî ameyî tayînkerdene. Nika zî zanîngehî hedef de yê.''

Akdage da zanayene ke ê pawenê ke no xoverdayîş her ca de vila bibo û vat: ''Wendekar, akademîsyen û mezunanê Bogaziçi vera rektorê qeyûmî vengê xo berz kerd û bi nê hawayî muxalefetêko komelkî vejîya werte. Waştişê înan waştişê tewr demokratîk ê. Ma pawenê ke no xoverdayîş her ca de vila bibo.''