Endamê Partîya Netewa Korsîka (PNC) û parlamentero verên ê  PE’yî  Françoîs Alfonsî grevê vêşanîye yê Strasboûrgî yo ke kewto roja xo ya 70. û hêrişê serê Rojawanî erjnayî.

Alfonsî bale ante ke tecrîdo ke serê Rayberê Şarê Kurdî Abdullah Ocalanî de yeno bicaardene heme heqanê huqûqî yê mîyanneteweyîyî binpay keno û semedê wedartişê nê tecrîdî grevê vêşanîye yenî viraştene û vat  ke grevê vêşanîye nêzdîyê Parlamentoya Ewropa (PE) de yeno viraştene. Alfonsî rayraşîyîşo gird yê Strasboûrgî zî vist vîrî û ard ziwan ke mîlîtanê Kurdan bi qerardarî û fedakarîya girde xover danê û va: ‘‘Wexto ke mi parlamenterîye kerdêne temsîlkaranê Kurdan ra Fîdan Dogane 2013 de Parîs de hetê îstîxbaratê nimteyî yê dewleta Tirkî ra ameye qetilkerdene. O wext zî Kurdî wina weriştî lingan ser û çalakîyê girdî virştî. Çalakîya girevê vêşanîye zaf yena kerdene. Şarê Kurdî mucadeleyê xo hem Kurdistan de hem zî dîaspora de bi qerardarîye dano domnayene û her kesî xo rê heyran verdeno. La rixmê naye medya de bêvengîye esta. Na bêvengîye vera hêrişanê serê Rojawanî de zî esta. Nê meseleyê zaf muhîm ê. Ganî dewletê Ewropa seba nînan cade tê bigêrê.‘‘