Parlamenterê HDP’yî yê Dêrsimî  Alîcan Onlu semedê îxrackerdoxanê Dêrsimî peşnîyazêk da vat ke bi seyan kesî yê ke derheqê înan de suc û tehqîqatî çîn ê senî û hetê kamî ra listeyê KHK’yî de ameyî cakerdene.

Dêrsim de bi Qararnameyê Hukmê Qanûnî yo ke çarçeweya OHAL’î de vejîya,temamî de 291 kedkarî ameyîbî îxrackerdene. Parlamenterê HDP’yî yê Dêrsimî  Alîcan Onluyî derheqê naye de peşnîyazê persî da û cewabê nê persan waşt.

-Rojanê peyênan de medyaya sosyale de yeno vatene ke bi waştişê girewtişê qesasê sîyasî û şexsî lîsteyê KHK’yî ameyî hadrekerdene. Îdîaya hesabê ‘Tuncelikuşu22‘ raştê? Şima dereheqê nînan de tehqîqat danê destpêkerdene?

- Kesê ke derheqê înan de suc û tehqîqatî çîn ê senî û hetê kamî ra gerîyayî listeyê KHK’yî, seba ke nînan waşt ke karê xo rê agêrê, nînan ra pere ameye waştene?

- Nê ke bîlaheq ameyî îxrackerdene semedê peyser agêrê karê xo, xebateka şima esta?