Hukmatê Almanya raporê rotişê çekan ê serra 2019î hewteyê vîyarteyî de bi hawayêkê fermîyî eşkera kerdbi. Labelê rapor de têna doneyê çekanê ke welatanê teberê Yewîya Ewropa û endamanê NATOyî rê ameyî rotene estbî.

Rapor de amebi vatene ke: ''Seba krîterê pawitişê siranê bazirganîye nêbeno ke doneyê welatan bêrê weşanayene.'' Pê bire Almanya eşkera nêkerd ke 45 welatan rê çend çekî rotê 35 welatan.

Greyê xeberêka taybete ya Ajansê Xeberan ê Almanan (DPA) bazirganîya çekan a Tirkîya beşêkê girîngî yê na bazirganîya nimitke gêna. ajansî pare kerd ke Almanya par pê vaya 344 mîlyon û 600 hezar euroyî malzemeyê şerî rotî Tirkîya.

Dima ke dewleta tirke teşrîna verêne de vera Rojawanê Kurdîstanî dest pê îşxalî kerd, Hukmatê Merkele îdîa kerdbi ke înan bazirganîyan çekan a seba rejîmê Anqara vindarna.

Coka dokumentê 'nimitkeyî' yê Wezaretê Ekonomîyî de yeno îdîakerdene ke çekê ke Rojawan de şuxilîyenê çekê Almanya nîyê. 

Almanya serra 2018î de îşxalê Efrînî de pê vayê 242 mîlyon û 800 hezar euroyî çekî rotbî rejîmê Erdoganî.