Verî parlamenteranê Partîya Çepgîre Hêlîne Evrîm Sommer û Gokay Akbulutî bira Mehkemeya Heqanê Merdiman a Ewropa (MHME) ya derheqê Selahattîn Demîrtaşî de berdbi rojdemê Meclîsê Federalî.

Nameyê Hukmatê Almanî ser o Musteşarê Wezîrê Karanê Teberî Miguel Bergerî cewab da persnameyê wird parlamenteran.

Bergerî bi xurtî bale ante bira MHME û Peymana Heqanê Merdiman a Ewropa (PHME) ser û waşt ke Demîrtaş bêro veradayene.

Verî zî Hukmatê Almanî karneya xirabe ya Erdoganî, polîtîkaya şer û binpaykerdişê heqanê merdiman rexne kerdbi û venga Anqara dabi. Teşrîna verêne de zî Almanya waşt ke wa Tirkîya goş bida raporê CPTyî ser û ganî keye û avûkatî şorê Îmrali.