Almanya de çarçewa tedbîranê vera Korona de aşma hezîrane de caardişê hîşyarî (Corona-Warn-App)  amade kerd. Caardişo ke bi fonanê hukmatî ame amadekerdene xeylêk ziwanan de xizmet dano la kurdkî mîyanê nînan de çîn a.

Partîya Hewzan hukmatî ra persa ke do no caardiş ziwanê kurdkî de zî bêro amadekerdene ya nê. Wezîrîya Weşîya ke bi nameyê hukmatî cewab Hewzan vat planê înan çîn o ke kurdkîya ci vejê, cunku malîyetê ey 250 Euro yo. La eynî cewab de ame vatene ke caardişo ke qala ci yena kerdene do erebkî û rûskî yê ci zî vejîyo.

Hukmatî da zanayene ke sîteyê https://www.zusammengegencorona.de/ yo ke derheqê  Korona de zanayîş dano de zî kurdkî çînêbo, têna ziwanê îngîlîzkî, rûskî û tirkî bibê.

Almanya de 1 mîlyonî ra zafêr kudî estê la rixmê naye hukmatê Almanya timûtim kurdkî nêvînayîşî ra yena. Reyna vilaweka ke derheqê vergirewtişê janî de 20 ziwanan de ameye amadekerdene de hukmatî hewce nêdî ke kurdkî zî tewrê înan bikero. Hukmatî vatbi 'xora kurdî erebkî, tirkî û farskî zanê coka kurdkî hewce nêkeno.' Vera naye Prof. Dr. Christian F. Majer yê ke derheqê qanûnan de pîsorê vatbi 'canêdayîşê kurdkî goreyê qanûnanê seyyewbînîye nîyo.'